वृत्तसंस्था/ सोल
अमेरिकेचे राष्ट्राध्यक्ष जोसेफ बायडेन सध्या दक्षिण कोरियाच्या दौऱयावर असून दक्षिण कोरिया आणि जपान यांच्याशी मैत्रीचे संबंध दृढतर करण्यासाठी ते प्रयत्न करणार आहेत, असे अमेरिकन प्रशासनाने स्पष्ट केले आहे. दक्षिण चीन समुद्र, प्रशांत महासागरीय क्षेत्र व त्या भागातील अमेरिकेचे हितसंबंध जपण्यासाठी त्यांची ही दक्षिण कोरिया भेट महत्त्वाची असल्याचे मानण्यात येत आहे. चीनने या क्षेत्रात मोठे आव्हान उभे केले असून त्याला एकत्रितरीत्या प्रतिकार करण्यासाठी धोरण ठरविण्याचे काम या दौऱयात केले जाईल, अशी शक्मयता आहे.
जपान आणि दक्षिण कोरिया यांच्यात सध्या संबंध ताणले गेले आहेत. हे दोन्ही अमेरिकेचे मित्रदेश असल्याने त्यांच्यातील वाद अमेरिकेच्या हितसंबंधांना बाधक ठरू शकतो. म्हणून हे मतभेद मिटविण्याच्या दृष्टीनेही बायडेन या दौऱयात प्रयत्न करतील. युपेन युद्धामुळे निर्माण झालेल्या परिस्थितीवर चर्चा केली जाईल, अशी माहिती व्हाईट हाऊसच्या प्रवक्त्याने पत्रकारांना दिली आहे.