ऑनलाईन टिम नवी दिल्ली
अमेरिकेतील टेक्सास राज्यातील सॅन अँटोनियो या शहराबाहेर, एका ट्रॅक्टर-ट्रेलरमध्ये तब्बल 40 स्थलांतरीत लोक मृतावस्थेत आढळले आहेत. टेक्सासमधील एका उच्च अधिका-यांच्या गटाने या प्रकरणाची माहिती दिली.
सॅन अँटोनियोतील एका स्थानिक टिव्ही चॅनेल या बाबतचे वृत्त प्रथम दिले. शहराच्या दक्षिणेला दुर्गम भागात हा ट्रक रेल्वे रुळाशेजारी सापडला. दक्षिण टेक्सासमध्ये स्थलांतरित लोक अमेरिकेत घुसखोरी करण्याच्या प्रयत्नात होते. पण ट्रेलरमध्ये त्यांचा गुदमरून मृत्यु झाल्याचा अंदाज व्यक्त केला जात आहे. यामध्ये 42 लोकांचा मृत्यू झाल्याचे कळत आहे. या स्थलांतरितांची राष्ट्रियत्व अजून उघड झाली नाहीत.
दरम्यान, मेक्सिकन परराष्ट्र मंत्री मार्सेलो एब्रार्ड यांनी सांगितले की, मेक्सिकन परराष्ट्र अधिकाऱ्यांनी घटनास्थळी भेट देऊन याचा आढावा घेतला आहे. एब्रार्ड यांनी ट्विटर द्वारे पीडितांविषयी आदरांजली वाहिली आहे.