भारताकडून घटनेची निंदा : कारवाई करा
वृत्तसंस्था / ओटावा
कॅनडाच्या ओन्टेरियो प्रांतात भगवद्गीता पार्कमध्ये झालेल्या तोडफोडीची भारताने निंदा केली आहे. कॅनडामधील भारतीय दूतावासाने याला हेट क्राइम (द्वेषयुक्त गुन्हा) ठरवत चौकशीची मागणी केली आहे. बॅम्पटन शहराच्या या पार्कला पूर्वी ट्रॉयर्स पार्क म्हणून ओळखले जायचे. 28 सप्टेंबर रोजी याचे नाव बदलून श्री भगवद्गीता पार्क करण्यात आले होते. कॅनडाच्या अधिकाऱयांनी श्री भगवद्गीता पार्कमध्ये तोडफोड झालीच नसल्याची भूमिका घेतली आहे.
ब्रॅम्पटनमधील श्री भगवद्गीता पार्कमधील हेट क्राइमची आम्ही निंदा करतो. तसेच कॅनडाच्या अधिकाऱयांना तपास करण्याचे आणि गुन्हेगारांवर लवकरात लवकर कारवाई करण्याचे आवाहन करत असल्याचे ओटावामधील भारतीय दूतावासाने ट्विट करत म्हटले आहे. कॅनडात भारतीय वंशाचे 16 लाख लोक राहतात. चालू वर्षात कॅनडामध्ये हिंदूंच्या दोन मंदिरांवर हल्ले झाले आहेत.