Tarun Bharat

फडणवीसांची चाणक्यनीती पुन्हा यशस्वी

Advertisements

ऑनलाईन टिम मुंबई

विधानपरिषदेचा निकाल जाहीर झाला असून ही लढतसुद्धा राज्यसभेप्रमाणे चुरशीची झाली. या निकालात महाविकास आघाडीचे ५ आणि भाजपचे ५ उमेदवार निवडून आलेत. पुन्हा एकदा भाजपचे नेते देवेंद्र फडणवीस यांची खेळी यशस्वी झाली आहे. शेवटच्या क्षणी भाजपने बाजी मारून आपला पाचवा उमेदवार निवडून आणला. काँग्रेसचे चंद्रकांत हंडोरे पराभूत झालेत. दरम्यान, काँग्रेस उमेदवारानेच काँग्रेसच्या उमेदवाराचा गेम केल्याची चर्चा आहे.

राज्यसभा निवडणुकीतील धक्कादायक निकालानंतर महाविकास आघाडीने सावध पवित्रा घेत विधान परिषदेसाठी विशेष कष्ट घेतले होते. राज्यसभेच्या निकालानंतर भाजपाचा आत्मविश्वास वाढला होता. निवडणूकीत मविआ आणि भाजपा यांच्यात चुरशीची लढत झाली. मविआचे सहा तर भाजपाचे पाच उमेदवार रिंगणात होते. या निवडणुकीत ‘अकरावा’ म्हणजे पराभूत होणारा उमेदवार कोण असेल याचीच उत्सुकता होती. त्यातच काँग्रेसने भाजपच्या दोन मतदारांवर आक्षेप घेतल्याने मतमोजणीला उशिरा झाला होता. पण शेवटच्या क्षणी भारतीय जनता पक्षाचे दहावे उमेदवार प्रसाद लाड हे विधानपरिषदेवर निवडून आले.

विधानपरिषदेच्या निकालाची सुरवात राष्ट्रवादीचे एकनाथ खडसे आणि भाजपचे राम शिंदे यांच्या विजयी निकालाने झाली. त्यानंतर प्रविण दरेकर, श्रीकांत भारतीय आणि उमा खापरे या भाजपच्या,तर शिवसेनेच्या आमश्या पाडवी, सचिन अहीर, तसेच राष्ट्रवादीचे रामराजे निंबाळकर यांचे विजयी निकाल जाहीर झाले.

शेवटच्या क्षणापर्यंत भाजपचे प्रसाद लाड आणि कॉंग्रेसचे भाई जगताप यांच्यात चुरशी पहायला मिळाली. पण शेवटी प्रसाद लाड हे विजयी झाले आहेत.तर धक्कादायक म्हणजे काँग्रेसचे भाई जगताप विजयी झाले मात्र, काँग्रेसचे चंद्रकांत हंडोरे पराभूत झाले.

Related Stories

महागाईचा भडका : पेट्रोल – डिझेलच्या दरात सलग दहाव्या दिवशी वाढ

Rohan_P

रणजितभैय्यांनी जपली सामाजिक बांधिलकी!

Patil_p

दहावी, बारावी परीक्षांसाठी आजपासून अर्ज

Rohan_P

आम्हाला काय होतयं? या भ्रमात राहू नका!

Abhijeet Shinde

पाटणमध्ये रात्रीत सहा ठिकाणी चोऱया

Patil_p

कोल्हापूर : युवासेनेकडून नितेश राणेंचा निषेध

Abhijeet Shinde
error: Content is protected !!