ऑनलाईन टीम / चेन्नई
तमिळ अभिनेता विक्रमला शुक्रवारी हॉस्पिटलमध्ये दाखल करण्यात आले. त्याच्या पोन्नियिन सेल्वन या चित्रपटाच्या टीझर लॉन्च कार्यक्रमाच्या काही तास अगोदर त्याला अत्यवस्थ वाटू लागले होते. त्याच्या निकटवर्तीयांनी सांगितले की, अत्यंतिक तापामुळे विक्रमला अस्वस्थ वाटल्यामुऴे त्याला रुग्णालयात नेण्यात आले. त्याच्यावर चेन्नईच्या कावेरी रुग्णालयात उपचार चालू आहेत.
“विक्रमला हृदयविकाराचा झटका आला आहे आणि म्हणून त्याला रुग्णालयात दाखल करण्यात आले”, असा दावा करणाऱ्या काही बातम्यांना खोडून काढत विक्रमच्या टीममधील व्यक्तीने सांगितले की, “त्याला खूप ताप असून तो ठीक आता ठिक आहे. त्याचे चाहते त्याच्या आगामी चित्रपट कोब्राच्य़ा रिलीजची वाट पाहत असून त्याला लवकरच डिस्चार्ज मिळेल.
अभिनेला विक्रमचे या वर्षी दोन चित्रपट रिलीज होणार आहेत. त्याचे दिग्दर्शक अजय ज्ञानमुथूचा ‘कोब्रा’ आणि मणिरत्नमचा ‘महाकाव्य पोनियिन सेल्वन’ प्रतिक्षेत आहेत. कोब्रा 11 ऑगस्ट रोजी पडद्यावर येण्याच्या तयारीत असून पोनियिन सेल्वन 30 सप्टेंबरच्या आसपास प्रदर्शित होईल.