तरुणभारत ऑनलाइन टीम
मराठी कलाविश्वातील लोकप्रिय जोडपे विराजस कुलकर्णी-शिवानी रांगोळे लवकरच विवाहबंधनात अडकणार आहे. गेल्या काही दिवसांपासून ते एकमेकांना डेट करत असून पुढील महिन्यात ते लग्न करणार आहेत. विराजस आणि शिवानी यांची 6 जानेवारीला एंगेजमेंट झाली आहे.
ETimes ने दिलेल्या वृत्तानुसार शिवानी आणि विराजस मे महिन्याच्या पहिल्या आठवड्यात लग्न करणार आहेत. सूत्रांच्या माहितीनुसार, लग्नाची तारीख 7 मे आहे. लग्नासाठी शिवानी आणि विराजच्या मित्र आणि सहकाऱ्यांनाच आमंत्रित केले जाईल.याच दिवशी रात्री 7 ते 9 या वेळेत विराजस आणि शिवानीच्या लग्नाचे रिसेप्शन आयोजित करण्यात आले आहे. जरी या जोडप्याने सोशल मीडियावर कधीही त्यांच्या नात्याची उघडपणे कबुली दिली नसली तरी त्यांचे अनेक त्यांचे रोमँटिक फोटो सोशल मीडियावर व्हायरल होत असतात.आणि यावर अनेक चाहते कंमेंट देखील करत असतात. म्हणूनच विराजस-शिवानीच्या लग्नासाठी चाहते नक्कीच उत्सुक असणार आहेत.