प्रतिनिधी /पणजी
राज्य विधानसभेत आज अनेक दिवंगतांना श्रद्धांजली वाहण्यात आली. त्याचबरोबर कार्डिनालपदी निवड झाल्याबद्दल आर्चबिशप फिलीप नेरी फेर्रांव यांचे अभिनंदन करण्यात आले.
आर्चबिशप राहूल गोन्साल्वीस, स्वा. सै. गोपाळ चितारी, शिवानंद (नंदा) गायतोंडे, स्वा. सै. नकूळ नारू, फा. नेव्हील ग्रासियस, संतूर वादक पद्मभूषण पं. शिवकुमार वर्मा, प्रसिद्ध तियात्रिस्त मारियो मिनेझीस, प्रसिद्ध गायक कृष्णकुमार कुन्नात, ऑस्ट्रेलियन क्रिकेटर एन्ड्रय़ू सायमंडस्, आदींचा त्यात समावेश होता. या सर्वांना एक मिनीट स्तब्धता पाळून श्रद्धांजली वाहण्यात आली.
गोव्याचे आर्चबिशप फिलीप नेरी फेर्रांव यांचा पोप फ्रान्सिस यांनी निवडलेल्या 21 कार्डिनालमध्ये समावेश झाल्याबद्दल सभागृहाने त्यांचे अभिनंदन केले. त्यांच्या निवडीची घोषणा हा तमाम गोमंतकीयांचा गौरव आणि सर्वांसाठी अभिमानाचा क्षण आहे, असे त्यावेळी बोलताना सभापती रमेश तवडकर यांनी नमूद केले.