आजकाल मानवासाठी अन्न वस्त्र आणि निवाऱ्यासोबतच मोबाइलला ही मूलभूत गरज बनली आहे.मग आपण कुठेही गेलो तरी आपल्यासोबतच मोबाइलला असतोच.पावसाळ्यात जरी मोबाइल भिजण्याची शक्यता असली तरी प्रत्येक जण योग्य ती काळजी घेऊन मोबाइलला वापरतो. पण कधी कधी पावसाळ्याच्या दिवसात किंवा अनावधानाने आपल्या मोबाइल स्पीकर मध्ये पाणी जाऊ शकते. अशावेळी मोबाइल स्पीकर खराब होण्याची शक्यता असते. परिणामी स्पीकर मधून विचित्र आवाज देखील येऊ शकतो.मग अशावेळी तुम्हाला जर मोबाइल स्पीकर मधील पाणी काढायचे असेल तर गुगल वर एक खास ट्रिक आहे. ज्याद्वारे तुमच्या मोबाइल मधील पाणी सहज निघू शकते.
स्पीकर मधील पाणी काढण्यासाठी सर्वप्रथम गुगल ओपन करा. यानंतर त्यावर fix my speaker सर्च करा. सर्च केल्यांनतर फिक्स माय स्पीकर च्या अधिकृत वेबसाईटवर जा. वेबसाईट ओपन केल्यावर तुम्हाला एक सिम्बॉल दिसेल.त्यावर क्लिक केल्यावर एक विशिष्ट प्रकारचा आवाज येईल.ज्यामुळे ध्वनी लहरी निर्माण होतात आणि स्पीकरमधील पाणी बाहेर काढले जाऊ शकते.तर अशा सोप्या पद्धतीने तुम्हीही मोबाइल स्पीकर खराब होण्यापासून वाचवू शकता.