Tarun Bharat

शिवसेनेकडून ऑफर आल्यास विचार करू

पीपल्स रिपब्लिकन पार्टीचे राष्ट्रीय अध्यक्ष प्रा. जोगेंद्र कवाडे : ‘हर घर तिरंगा’चे स्वागत : ‘हर घर संविधान’ मोहीमही राबवा

Advertisements

प्रतिनिधी/कोल्हापूर

शिवसेनेकडून आगामी काळातील निवडणुकांच्या संदर्भात जर सकारात्मक ऑफर आली तर आमचा पक्ष जरूर विचार करेल, असे पीपल्स रिपब्लिकन पार्टीचे राष्ट्रीय अध्यक्ष प्रा. जोगेंद्र कवाडे यांनी बुधवारी येथे पत्रकार परिषदेत बोलताना स्पष्ट केले आहे.

प्रा. कवाडे यांनी शिवसेना पक्षप्रमुख उद्धव ठाकरे यांना वाढदिवसांच्या शुभेच्छा देण्यासाठी नुकतीच ‘मातोश्रा’rवर जावून भेट घेतली होती. या भेटीची चर्चा राजकीय वर्तुळात रंगली होती. याबाबत पत्रकारांनी विचारले असता, प्रा. कवाडे म्हणाले, शिवसेना पक्ष प्रमुख उद्धव ठाकरे यांच्याशी आमचा जुना स्नेह आहे. वाढदिवसाच्या शुभेच्छा देण्यासाठी मातोश्रीवर गेलो होतो. तेथे राजकीय चर्चा झाली नाही. मात्र राज्यातील सध्याची राजकीय स्थिती पाहता आगामी काळात शिवसेनेने जर आमच्या पक्षाबरोबर युती, आघाडी करण्याबाबत सकारात्मक ऑफर दिली, शब्द दिला तर आमच्या पक्षाची सांसदीय समिती त्याबाबत विचार करेल. या पत्रकार परिषदेला अनिल म्हमाणे, डॉ. नंदकुमार गोंधळी, विद्याधर कांबळे, सोमनाथ घोडेराव, सनी गोंधळी आदी उपस्थित होते.

हर घर तिरंगा बरोबर हर घर संविधान मोहीम राबवा
प्रा. कवाडे यांनी स्वातंत्र्याच्या अमृतमहोत्सवाचे औचित्य साधून केंद्र सरकारने राबविलेल्या हर घर तिरंगा मोहिमेचे स्वागत केले. ते म्हणाले, आजपर्यंत आपल्या कार्यालयावर तिरंगा ज्या फडकविला नाही, ते आता तिरंगा ध्वजाला मानत आहेत, हे चांगले आहे. आता त्यांनी हर घर तिरंगा अभियानाबरोबर हर घर संविधान मोहीमही राबवावी.

कोल्हापूरचे नाव राजर्षी शाहू महाराज जिल्हा करा
लोकराजा राजर्षी शाहू महाराज यांच्यामुळे आज कोल्हापूर जिल्हय़ाचा विकास झाला आहे. त्यांच्या कार्य आणि कर्तृत्वापासून आपल्या सर्वांना कायम उर्जा मिळते. त्यामुळे त्यांच्या स्मरण म्हणून कोल्हापूर जिल्हय़ाचे नाव राजर्षी शाहू महाराज जिल्हा असे करण्यात यावे, अशी मागणी प्रा. कवाडे यांनी केली.

Related Stories

इचलकरंजीत जवाहरनगरातील जुगार अड्ड्यावर छापा

Abhijeet Shinde

स्वच्छ सर्व्हेक्षणात राज्यात गडहिंग्लजचा सहावा क्रमांक

Abhijeet Shinde

संभाजीनगरातील जुगार अड्ड्यावर छापा; दहा जणांवर कारवाई

Abhijeet Shinde

मान्सूनसरींची आनंदवार्ता ! १० दिवस आधीच मान्सून धडकणार

Rahul Gadkar

कोल्हापूर जिल्ह्यात कोरोनाने तिघांचा मृत्यू, 163 पॉझिटिव्ह

Abhijeet Shinde

कोल्हापूर : राजेंद्रनगर साळोखे पार्क येथे घरगुती गॅस सिलेंडरचा स्फोट

Abhijeet Shinde
error: Content is protected !!