पृथ्वीच्या पोटात एक मोठा चुंबक असून त्यामुळे वरुन पडलेली कोणतीही वस्तू पृथ्वीच्या पृष्ठभागाकडे खेचली जाते, अशी संकल्पना आहे. भू-चुंबकीय क्षेत्र प्रबळ असणारी अनेक स्थाने पृथ्वीवर आहेत. बाल्कन क्षेत्र आणि पेनोनियम क्षेत्रात काही स्थानी प्रत्यक्ष माणूस पृथ्वीच्या पृष्ठभागाला लोखंडाचा तुकडा लोहचुंबकाला चिकटतो त्या प्रमाणे चिकटतो असा अनुभव येतो. अशा स्थानांचे तज्ञांकडून गेली कित्येक वर्षे संशोधन सुरु आहे. भारतातही उत्तराखंडमधील कुमाऊ क्षेत्रातील भू-चुंबकीय प्रभाव मोठा आहे. लडाख येथे एक भाग असा आहे की जेथे मार्गावरील वाहने भूचुंबकीय प्रभावामुळे चढावर अपोआप चढू लागतात. अर्थात हा एक निसर्गनिर्मित दृष्टीभ्रम असून त्यामुळे उतार असणारा मार्ग चढासारखा दिसतो.
उत्तर ध्रूव आणि दक्षिण ध्रूव भागात अशी स्थाने आहेत. जेथून संपूर्ण पृथ्वीच्या भूचुंबकीय हालचालींचे नैसर्गिक नियंत्रण केले जाते. भूचुंबकीय क्षेत्र जेथे अधिक प्रमाणात असते तेथील वास्तू अधिक काळ टिकणाऱया असतात, असे अनुभवास येते. पृध्वीवरील अनेक ऐतिहासिक स्मारके अशा प्रबळ भूचुंबकीय क्षेत्रांमध्ये आहेत. ही स्मारके शेकडो वर्षे सुस्थितीत असलेली दिसून येतात. ब्रिटनमधील ‘स्टोनहेंज’ स्मारक अशा प्रकारचे असून ते हजारो वर्षे सुस्थितीत आहे.