नवी दिल्ली ः
जून तिमाहीमधील विविध कंपन्यांच्या नफा कमाईचे आकडे नुकतेच सादर करण्यात येत आहेत. यामध्ये स्मार्टफोनसंबंधीचा अहवाल सादर करण्यात आला आहे. जून तिमाहीमध्ये चीनी स्मार्टफोन कंपनी शाओमी यांनी विक्रीमध्ये 22 टक्के इतकी घसरण होऊनही ही कंपनी भारतीय बाजारपेठेत आघाडीवर आहे. सायबर मीडिया रिसर्च (सीएमआय) याच्या अहवालानुसार, शाओमीने चालू आर्थिक वर्षाच्या पहिल्या तिमाहीत 20 टक्के वाटय़ासह देशांतर्गत स्मार्टफोन बाजारात अव्वल स्थान प्राप्त केले आहे. त्यापाठोपाठ सॅमसंग कंपनीने 18 टक्के वाटा प्राप्त करत आपले स्थान निश्चित केले आहे.