प्रतिनिधी/सिंधुदुर्ग
सावंतवाडी संस्थानचे युवराज लखमराजे भोसले यांचा वाढदिवस गुरुवारी मोठ्या उत्साहपूर्ण वातावरणात साजरा झाला. राजकारणात भाजपच्या माध्यमातून दमदार एंट्री केल्यानंतर प्रथमच लखमराजे भोसले यांचा वाढदिवस सावंतवाडीत साजरा करण्यात आला. वाढदिवसानिमित्त लखमराजे भोसले यांच्यावर प्रेम करणाऱ्या हितचिंतकानी शुभेच्छांचा वर्षाव केला. लखमराजे यांची पुढील कारकीर्द यशस्वी होवो. त्याचबरोबर लखमराजे भोसले यांच्याकडून जनसेवा घडत राहो अशी अपेक्षाही व्यक्त करण्यात आली.
यावेळी लखमराजे भोसले म्हणाले, आपल्या माध्यमातून यापुढे जनसेवा करत राहीन, विकासाबाबत लोकांच्या इच्छा आकांक्षा पूर्णत्वास आणण्यासाठी प्रयत्नशील राहू अशी ग्वाही दिली. तसेच जनतेने राज घराण्यावर प्रेम केले तसेच प्रेम माझ्यावर कायम राहाे अशी अपेक्षा त्यांनी व्यक्त केली.
यावेळी सावंतवाडी संस्थानचे लखनराजे यांचे वडील खेमसावंत भोसले, आई सुभदादेवी भोसले, श्रद्धाराजे भोसले, भाजपचे जिल्हा उपाध्यक्ष मनोज नाईक, जिल्हा प्रवक्ते संजू परब, मंडळ अध्यक्ष महेश धुरी यांच्यासह इतर पदाधिकारी व नागरिक मोठ्या संख्येने उपस्थित होते.