4.66 कोटी समभागांचे होणार वितरण ः कंपनीचे समभाग पुन्हा तेजीत
नवी दिल्ली
फूड डिलिवरी करणारी कंपनी झोमॅटो या कंपनीच्या समभागातील घसरणीचे सत्र सुरु असतानाच याच दरम्यान झोमॅटोने आपल्या कर्मचाऱयांना 1-1 रुपयांमध्ये 4.66 कोटी रुपयांचे वितरण करण्याचा निर्णय घेतला आहे. कंपनीचे समभाग (एम्प्लॉयी स्टॉक ऑप्शन प्लॅन) यांच्या अंतर्गत देणार असल्याची माहिती कंपनीने 26 जुलैला दिली आहे.
यावेळी कंपनीने दिलेल्या माहितीनुसार संचालक मंडळाच्या नॉमिनेशन ऍण्ड रेमुनरेशन समितीने 4,65,51,600 इक्विटी समभागांना स्टॉक ऑप्शनच्या आधारे कर्मचाऱयांना देण्याचा निर्णय निश्चित केला आहे.
बुधवारी शेअर बाजारात झोमॅटोचे समभाग तेजीत राहिले होते, यामध्ये दुपारी 12.40 वाजता समभाग 3.48 टक्क्यांच्या तेजीसह 43.10 रुपयावर ट्रेड करत होते.