ऑनलाईन टीम/तरुण भारत
पूर्व दिल्लीचे भाजप खासदार आणि आणि माजी क्रिकेटपटू गौतम गंभीर यांना इस्लामिक स्टेट ऑफ इराक अँड लेव्हंट (ISIS) काश्मीरच्या ईमेल आयडीवरून तिसऱ्यांदा धमकी मिळाली आहे. गौतम गंभीरला पाठवलेल्या मेलमध्ये दिल्ली पोलीस आणि आयपीएस श्वेता काहीही करू शकत नाहीत, असे लिहिले आहे. तसेच, आमचे गुप्तहेर दिल्ली पोलिसांत आहेत, तुझ्याबद्दल सर्व माहिती आम्हाला मिळत आहे, असंही त्या मेलमध्ये लिहीलं आहे. आता, गौतमनेही या धमकीला आपण भीक घालत नसल्याचं म्हटलं आहे. गंभीरने आपण कुठल्याही धमकीला भीत नसून तपास यंत्रणा त्यांचं काम करत आहेत. मी माझं काम थांबवणार नाही, कार्यक्रमांमध्ये मी भाग घेणार, असे गंभीरने म्हटले आहे.
गौतम गंभीरला एका आठवड्यात तिसऱ्यांदा जीवे मारण्याची धमकी
भाजप खासदार आणि आणि माजी क्रिकेटपटू गौतम गंभीर यांना एकाच आठवड्यात तिसरी धमकी मिळाली आहे. इस्लामिक स्टेट ऑफ इराक अँड लेव्हंट (ISIS) काश्मीरच्या ईमेल आयडीवरून गंभीर यांना तिसऱ्यांदा जीवे मारण्याची धमकी दिली आहे. गौतम गंभीरला पाठवलेल्या मेलमध्ये दिल्ली पोलीस आणि आयपीएस श्वेता काहीही करू शकत नाहीत, असे म्हटले आहे. तसेच, आमचे गुप्तहेर दिल्ली पोलिसांत आहेत, तुझ्याबद्दल सर्व माहिती आम्हाला मिळत आहे, असंही त्या मेलमध्ये लिहिलं आहे.
धमकीचा ई-मेल पाकिस्तानातून
भारताचा माजी क्रिकेटपटू आणि भाजपा आमदार गौतम गंभीरला जीवे मारण्याची धमकी देण्यात आली होती. यांनतर गंभीरनेच पोलिसांकडे तक्रार केली होती. दोनवेळा गौतम गंभीरला धमकी देण्यात आली होती. दरम्यान, पोलीसांनी केलेल्या तपासात मोठा खुलासा झाला आहे. गौतम गंभीरला धमकीचा मेल पाकिस्तानातून आला होता. गौतम गंभीरने आरोप केला होता की त्याला आयएसआयएस काश्मीरकडून जीवे मारण्याच्या धमक्या आल्या होत्या. पण ज्या सिस्टीमद्वारे हा मेल पाठवला गेला त्याचा आयपी अॅड्रेस पाकिस्तानमध्ये सापडला आहे. दिल्ली पोलिसांनी गुगलकडून माहिती मागवली होती. गुगलने दिलेल्या माहितीनुसार, गौतम गंभीरला धमकीचा ईमेल पाकिस्तानमधून पाठवण्यात आल्याचे समोर आले होते.