पुणे / प्रतिनिधी :
केंद्रीय रस्ते वाहतूक व महामार्गमंत्री नितीन गडकरी (Nitin Gadkari) यांनी शुक्रवारी दुपारी एनडीए चौक (चांदणी चौक) येथील उड्डाणपूल कामाची आणि पुणे-सातारा महामार्गाची हवाई पाहणी केली.
एनडीए चौकातील उड्डाणपूल पाडण्याच्या कामाच्या नियोजनाबाबत त्यांनी समाधान व्यक्त केले. पुलाच्या दोन्ही बाजूच्या सेवा रस्त्याचे काम 8 दिवसांत पूर्ण करण्याच्या सूचना त्यांनी दिल्या. पुणे महानगर पालिका व पिंपरी चिंचवड महानगर पालिका हद्दीतून चांदणी चौक ते रावेत/ किवळे राष्ट्रीय महामार्ग क्र. 48 वरील वाहतूक कोंडी सोडविण्याच्यादृष्टीने वडगाव उड्डाणपूल, मुठा नदीवरील पुल, वाकड जंक्शन, भूमकर चौक, रावेत चौक या भागातील वाहतूक समस्या सोडविण्यासाठी महामार्गाच्या आवश्यक त्या सुधारणा करण्याचे आदेश भारतीय राष्ट्रीय महामार्ग प्राधिकरणाच्या (एनएचएआय) अधिकाऱ्यांना गडकरी यांच्याकडून देण्यात आल्या. एनएचएआयच्या अधिकाऱ्यांनी गडकरी यांना चांदणी चौकातील पूल पाडण्याच्या कामाच्या नियोजनाबाबत माहिती दिली.
अधिक वाचा : बारावीच्या ऑनलाईन अर्जप्रक्रियेस उद्यापासून सुरुवात