दापोली- प्रतिनिधी
सायकलचे ब्रेक निकामी होऊन झालेल्या विचित्र अपघातात काल गुरुवारी सायंकाळी इयत्ता दहावीच्या विद्यार्थ्यांचा दुर्दैवी अंत झाला. तो आपल्या सायकलवरून घरी जात असताना ब्रेक फेल झाल्याने रस्त्यावर पडल्याने त्यांला गंभिर दुखापत झाली होती.
अधिक वाचा- Breaking : जपान हादरलं ! माजी पंतप्रधान शिंजो आबे यांचे निधन
दापोली शहराजवळील गिम्हवणे आझादवाडी येथील आर्यन विनोद गौरत शहरातील लोकमान्य हायस्कूलमध्ये इयत्ता 10 वीत शिक्षण घेत होता. काल सायंकाळी शाळा सुटल्यावर नेहमीप्रमाणे सायकल घेऊन घरी जाण्यासाठी निघाला होता. पण तीव्र उतारात सायकलचे ब्रेक निकामी झाल्याने त्याचा अपघात झाला. त्याच्या मित्रांनी त्याला शाळेत पुन्हा नेलं. शिक्षकांनी तातडीने दापोली उपजिल्हा रुग्णालयात उपचारार्थ दाखल केलं. मात्र उपचार सुरू असताना सायंकाळी साडेसात वाजता त्याची प्राणज्योत मालवली. या घटनेची नोंद दापोली पोलीस ठाण्यात करण्यात आली आहे.